ՍԻՐԻԱ ԴԻՏՈՐԴՆԵՐԻ ԺԱՄԱՆՈՒՄԻՑ ՀԵՏՈ 400 ՄԱՐԴ Է ՍՊԱՆՎԵԼ

ՄԱԿ-ի գլխավոր քարտուղարի օգնական Լինն Պասկոն հայտարարել է, որ դեկտեմբերի 26-ից ի վեր, երբ երկիր ժամանեցին Արաբական պետությունների լիգայի դիտորդները, զոհվել է ևս 400 մարդ:

Լիգայի դիտորդներն անընդհատ քննադատության են ենթարկվում, քանի որ նրանց առաքելությունը դեռևս չի կարողացել դադարեցնել զինված բախումներն ու արյունահեղությունը:

ՄԱԿ-ի տվյալներով, անցած տարվա մարտին երկրում սկսված հուզումների ընթացքում զոհվել է ավելի քան 5.000 մարդ: