ՎԵՆԵՍՈՒԵԼԱՆ ՀԱՍԵԼ Է ՌԱԶՄԱԿԱՆ ԱՆՆԱԽԱԴԵՊ ՀԶՈՐՈՒԹՅԱՆ

Երկրի նախագահ Ուգո Չավեսը հայտարարել է, որ Վենեսուելան ձեռք է բերել ռուսական արտադրության հրթիռների, Տ-72 տանկերի ու հակաօդային պաշտպանության համալիրների հերթական խմբաքանակը, որի շնորհիվ հասել է վերջին 150 տարիների համար ռազմական աննախադեպ հզորության ու հավաստիացրել, որ այն օգտագործվելու է բացառապես պաշտպանական նկատառումներով:

Իսկ պաշտպանության նորանշանակ նախարար Էնրի Ռախել Սիլվին հայտարարել էր, որ ռուսական, չինական ու իսպանական ռազմական տեխնիկայի ձեռքբերման արդյունքում իր երկրին հաջողվել է ճեղքել սպառազինության համաշխարհային արտադրողներից տեխնոլոգիական կախվածության օղակը և ապահովել Վենեսուելայի օդային, ծովային ու ցամաքային սահմանների հուսալի պաշտպանությունը: