ՌՈՒՍԱՍՏԱՆՅԱՆ ԶՈՐԱՎԱՐԺՈՒԹՅՈՒՆՆԵՐՈՒՄ ԿԻՐԱՌՎԵԼ ԵՆ ՆՈՐ ՄՈՒԼՏԻՄԵԴԻԱՅԻՆ ՄԻՋՈՑՆԵՐ

Դրանք օգտագործվել են ՌԴ հարավային զինվորական օկրուգում անցկացված հրամանատարաշտաբային մարզումների ժամանակ, որը ղեկավարել է օկրուգի զորքերի հրամանատար, գեներալ-գնդապետ Վլադիմիր Չիրկինը:

Նոր մուլտիմեդիային միջոցների օգնությամբ մոդելավորվել է իրականին առավելագույնս մոտեցված օպերատիվ իրավիճակը, իսկ ստրատեգիական հրամանատարության պահպանությունն իրականացնող ստորաբաժանումները ետ են մղել հավանական հակառակորդի ավիացիայի ու հետախուզական-խափանարար խմբերի հարձակումները: Մարզումների ընթացքում օկրուգի շտաբի վարչությունների, բաժինների ու ծառայությունների օպերատիվ կազմը, ինչպես նաև օկրուգի զորքերի անձնակազմը դուրս են եկել դաշտային շարժական ղեկավարման կետեր և գործնականում մշակել մարտական պատրաստության բարձր աստիճանի անցնելու, քողարկման, բոլոր համակարգերն ու հաղորդակցության միջոցներն արագորեն փոփոխվող իրավիճակում պահպանելու հարցերը: