ՀԱՅՈՑ ԲԱՆԱԿԻՆ

Քսանամյա դու պատանի,

Արծվաթռիչ ու վառվռուն,

Բազուկն ազգիս հնամենի,

Հուժկու զարկով ուղղած հեռուն:

Դու` հաղթական Սարդարապատ,

Բաշ-Ապարան ու վեհ Շուշի,

Դու` շաղախված ուժ ու հավատ,

Դու թերթվող էջ որդուս հուշի:

Երբ զորացար այսպես մեկեն,

Դարձար հույսի բերդ անառիկ,

Քեզ չեն կարող ծնկի բերել

Հրոսակներն անհայրենիք:

Դու պատմության նոր տարեգիր,

Կամքդ` ամուր ու անհողդողդ,

Ողջ աշխարհում համազարկիր

Խաղաղության երգը խրոխտ:

Սրտով արի եւ մեծազոր

Հաղթանակի անպարտ ոգիս.

Մեզնով պիտի կամքով հզոր

Կերտենք փառքը մեր գալիքի։