ՌՈՒՍԱԿԱՆ ԲԱՆԱԿԻ ՀԱՄԱՐ ԳԵՐՄԱՆԱԿԱՆ ՇԱՐԺՈՒՆԱԿ ՀՈՍՊԻՏԱԼ ԿԳՆԵՆ

ՌԴ պաշտպանության նախարարությունը գերմանական Zeppelin ընկերությունից շարժունակ դաշտային հոսպիտալներ կգնի: Գնումը կիրականացվի ՄԱԿ-ի խաղաղարար առաքելություններին ռուս ռազմական բժիշկների մասնակցության շրջանակներում:

Հոսպիտալը կբացազատվի ռազմափորձադաշտերից մեկում, ուր այն կփորձարկվի ռուսական պայմաններին համապատասխան: Ստացված արդյունքները ռուսական կողմը հաշվի կառնի արտակարգ իրավիճակներում և տեղային ռազմական հակամարտություններում կիրառելու նպատակով սեփական հոսպիտալների արտադրություն հիմնելու ժամանակ:

Zeppelin ընկերությունը մի քանի տեսակի շարժունակ հոսպիտալներ է արտադրում: Նշված տարբերակը նախատեսված է մինչև 250 հիվանդ կամ վիրավոր ընդունելու համար: