ՍՏՈՒԳԵԼ ԵՆ ԶՈՐԱՄԱՍԵՐԻ ՄԱՐՏՈՒՆԱԿՈՒԹՅՈՒՆԸ

ՀՀ պաշտպանության նախարարության ռազմական վերահսկողական ծառայության աշխատանքային խումբն ստուգումներ է իրականացրել զորամիավորումներից մեկում:

Խմբի սպաները եղել են կառավարման կետերում, կրակի կառավարման մարզումների, օպերատիվ-մարտավարական դրվագների խաղարկման ընթացքում ստուգել ստորաբաժանումների մարտունակությունը, տարբեր իրավիճակներում արագ և ճիշտ գործելու անձնակազմի ունակությունները: Ուշադրության կենտրոնում են եղել տարբեր օղակների փոխգործակցության հարցերը։ Պատասխանատու սպաները ստուգել են նաև զորամասերի ապահովման արդյունավետությունը և սպասարկող ստորաբաժանումների ծառայությունը, անձնակազմի պատրաստվածությունն ու համալրվածությունը, մարտական խնդիրների, ղեկավար փաստաթղթերի և մասնագիտական առարկաների իմացությունը։

Ստուգումների արդյունքների ամփոփումից հետո համապատասխան օղակներին տրվել են հանձնարարականներ պատրաստության գործընթացն առավել կատարելագործելու, հետագա ծառայության ընթացքում բացթողումները շտկելու ուղղությամբ:

ԱՐՄԱՆ ԱՐՇԱԿՅԱՆ