ԲԿՄԱ-Ն ՀԱՅԱՍՏԱՆԻ ՉԵՄՊԻՈՆ Է

Հայաստանի բասկետբոլի աշնանային առաջնության եզրափակիչում ԲԿՄԱ թիմը 80:67 հաշվով առավելության հասավ «Ֆոքսիսի» նկատմամբ և նվաճեց Հայաստանի չեմպիոնի կոչումը:

Հայտնի դարձան նաև առաջնության լավագույն խաղացողները, նրանցից մի քանիսը ԲԿՄԱ-ից են՝ լավագույն խաղարկող՝ Հայկ Կարախանյան, լավագույն պաշտպան՝ Տիգրան Մկրտումյան, լավագույն թեթև հարձակվող՝ Կարեն Մելիքյան:

Լավագույն մարզիչը ԲԿՄԱ-ն մարզող Վարդան Խաչատրյանն է:

Առաջնության ամենաարդյունավետ բասկետբոլիստ ճանաչվեց ԲԿՄԱ-ից Սամվել Գևորգյանը: