ԱԴՐԲԵՋԱՆՆ ԻՍԱՅԵԼԻՑ ԿԳՆԻ 1,6 ՄԻԼԻԱՐԴ ԴՈԼԱՐԻ ՍՊԱՌԱԶԻՆՈՒԹՅՈՒՆ

Երկու պետությունների իշխանությունների ստորագրած գործարքի համաձայն Իսրայելն Ադրբեջանին կմատակարարի անօդաչու թռչող սարքեր, զենիթահրթիռային համալիրներ և հակաօդային պաշտպանության համակարգեր:

Բաքվի ու Թել Ավիվի մերձեցմանը բավական մտահոգությամբ է հետևում Իրանը, որի իշխանություններն այս ամիս Բաքվից պահանջեցին դադարեցնել «Մոսադի» գործունեությունը, պնդելով, թե նրա գործակալներն Ադրբեջանում հատուկ գործողություն են նախապատրաստում Իրանի դեմ:

Ի պատասխան, Թել Ավիվը հայտարարեց Ադրբեջանում աշխատող իսրայելցիների դեմ իրանական կողմի ծրագրված հարձակումների բացահայտման ու խափանման մասին: