ԽՈՇՈՐ ՀԱՐՁԱԿՈՒՄ ԵՄԵՆԻ ԿԱՌԱՎԱՐԱԿԱՆ ԶՈՐՔԵՐԻ ՎՐԱ

Շաբաթ օրը Եմենի առափնյա պահպանության հսկիչ կետի և հրետանային կրակադիրքերի վրա «Ալ Քայիդայի» հետ կապված «Անսար Աշ-Շարիյա» իսլամ ծայրահեղ արմատական խմբավորման իրականացրած խոշոր հարձակման հետեւանքով զոհված զինծառայողների թիվը հասել է 78-ի, իսկ իսլամականները կորցրել են 28 գրոհայինների: Նրանք, որպես իրենց մարտական հաջողությունների վկայություն, գերեվարած 55 զինծառայողի ցուցադրաբար անցկացրել են երկրի հարավ-արևմուտքում գտնվող Խանֆար քաղաքի փողոցներով: