ՌՈՒՍԱՍՏԱՆ-ՆԱՏՕ ՔՆՆԱՐԿՈՒՄՆԵՐ

ՌԴ ԶՈՒ գլխավոր շտաբի պետ Նիկոլայ Մակարովն ու նրա տեղակալ, գեներալ-գնդապետ Վալերի Գերասիմովը Հյուսիսատլանտյան դաշինքի ռազմավարական հետազոտությունների գլխավոր հրամանատար, գեներալ Ստեֆան Աբրիալի հետ քննարկել են ռուսական բանակում իրականացվող բարեփոխումների ընթացքը, առաջիկայում տեղի ունենալիք համատեղ զորախաղերի ու վարժանքների ծրագրերը, ինչպես նաև գլոբալ ու տարածաշրջանային անվտանգության մի շարք հարցեր:

ՌԴ պաշտպանության նախարարի տեղակալ Անատոլի Անտոնովն ավելի վաղ հայտնել էր այս ամիս Գերմանիայում կայանալիք հակահրթիռային պաշտպանության համակարգչային համատեղ զորավարժությունների մասին: Հայտնի է նաև, որ ՌԴ ռազմածովային ուժերը կմասնակցեն Դաշինքի «БАЛТОПС-2012» և «ИОНЭКС-2012» զորախաղերին: