ԶԻՆՎԱԾ ԸՆԴՀԱՐՈՒՄ` ԱԴՐԲԵՋԱՆՈՒՄ

Ադրբեջանի մեծությամբ երկրորդ քաղաքում` Գյանջայում (Գանձակ) անօրինական զինված խմբավորումների եւ իրավապահ մարմինների անդամների միջեւ զինված ընդհարում է տեղի ունեցել, որի հետեւանքով երկու կողմից էլ մարդիկ են զոհվել եւ վիրավորվել:

Ինչպես հաղորդում են ադրբեջանական ԶԼՄ-ները, փոխհրաձգությունը տեղի է ունեցել քաղաքի «Մասխարա» կոչված պուրակում: Գյանջայի ոստիկանությունը ԶԼՄ-ներին հայտնել է, որ միջադեպը տեղի է ունեցել անօրինական զինված խմբավորումը վերացնելու օպերատիվ գործողությունների շրջանակում: