«ԿՆԵՐԵՔ ՔԱՂԱՔԻ ԱՎԵՐՄԱՆ ՀԱՄԱՐ»

Եմենի բանակի ստորաբաժանումները գրոհով ազատագրել են Աբյան նահանգում գտնվող Ջաար քաղաքը, որն ավելի քան մեկ տարի գտնվում էր իսլամ գրոհայինների ձեռքում: Վերջիններս նահանջելիս տարածած թռուցիկներում բնակչությունից ներողություն են խնդրել կառավարական զորքերին դիմադրելու արդյունքում քաղաքի ավերման համար:

Համաձայն լրատվամիջոցների հաղորդումների, Աբյան նահանգում բանակի իրականացրած հատուկ գործողության արդյունքում ոչնչացվել է 368 գրոհային: Զոհվել է կառավարական զորքերի ու աշխարհազորի 98 մարտիկ, ինչպես նաև՝ 19 խաղաղ բնակիչ: