ԻՐԱՆՆ ՈՒՍՈՒՄՆԱՍԻՐՈՒՄ Է ԵՎ ՊԱՏՐԱՍՏՎՈՒՄ

Վենեսուելան Իրանին է փոխանցել առնվազն մեկ F-16 կործանիչ: Ինքնաթիռը տեղ է հասցվել մասնատված վիճակում, իսկ այժմ այն ամբողջովին հավաքված է և գտնվում է իրանական ավիաբազաներից մեկում: Իրանցի մասնագետները մտադիր են ամբողջությամբ քանդել կործանիչը, ապա նորից հավաքել նախագծման, ռադիոտեղորոշման սարքավորումների կիրառման մանրամասներն ուսումնասիրելու համար:

F-16 կործանիչներ Վենեսուելան գնել է դեռեւս 1982թ. ԱՄՆ հետ իրականացվող համատեղ ծրագրերի շրջանակներում: Հարաբերությունների վատթարացումից հետո 2006թ. Վենեսուելայի նախագահ Ուգո Չավեսը հայտարարեց, որ F-16-ները կփոխարինվեն ռուսական հց-30-ով:

Որոշ աղբյուրների փոխանցմամբ՝ ամերիկյան ինքնաթիռները Իրանին անհրաժեշտ են օդային մարտի վարման համապատասխան տեխնիկա մշակելու համար: ՆԱՏՕ-ի կողմից ռազմական օպերացիա իրականացնելու դեպքում այդ փորձը օգտակար կլինի, քանի որ դաշինքի անդամ պետությունների մեծ մասը կիրառում է այդ դասի կործանիչներ:

Իրանը դեռ 1970-ականներին է ցանկացել 300 F-16 կործանիչներ գնել: ԱՄՆ Կոնգրեսը հաստատել է գործարքը, սակայն 1979թ. իսլամական հեղափոխությունից հետո այն չեղյալ է համարվել:

Պատրաստեց ԱՐՍԵՆ ԱՂԵԿՅԱՆԸ