ՀԱՆԳՍՏԻ ԺԱՄԻՆ

Լուսանկարում գնդապետ Ա. Բաղդասարյանի հրամանատարությամբ գործող զորամասի նորակոչիկներն են՝ հանգստի ժամին։ Այստեղ նույնպես շատ են բարձրագույն ուսումնական հաստատություններ ավարտած կամ տարկետում ստացած տղաները։ Օրինակ՝ գյումրեցի Անդրանիկ Ներսիսյանը սովորում է մանկավարժական համալսարանում, մարտունեցի Կնյազյան Հակոբը՝ ԵՀՊ իրավագիտության ֆակուլտետում, արթիկցիներ Կարեն Ղազարյանը և Հովհաննես Խաչատրյանը հայկական պետական ճարտարագիտական համալսարանի շրջանավարտներ են։ Բժշկական համալսարանի երրորդ կուրսից է զորակոչվել Նարեկ Գալստյանը, Արա Սարգսյանն ու Սուրեն Խաչիկյանը ԵՊՀ ուսանողներ են, Վարդան Ներսիսյանը նույնպես ճարտարագիտական համալսարանի շրջանավարտ է։

-Դեռ զինվորական երդում չենք ընդունել, բայց կարելի է ասել՝ ծառայությունը լավ ենք սկսել։ Մեզնից շատերը երևի կգնան սովորելու ուսումնական զորամասեր։ Մենք մեր բանակի մասին արդեն շատ ենք զրուցել, և բոլորս էլ այն կարծիքին ենք, որ զինվորական մասնագիտությունը պետք է լավ սովորենք,- ասաց շարքային Արա Սարգսյանը։

Լուս.՝ ԳԱՐԻԿ ԱՐՄԵՆԱԿՅԱՆԻ