ՊԱՇՏՊԱՆՈՒԹՅԱՆ ՆԱԽԿԻՆ ՆԱԽԱՐԱՐՆ ԱԶԱՏՎԵԼ Է ԲԱՆՏԻՑ

Ուկրաինայի նախկին պաշտպանության նախարարի պաշտոնակատար Վալերի Իվաշչենկոյի ազատազրկման դատավճիռը փոխարինվել է մեկ տարվա պայմանական ազատազրկմամբ: Միաժամանակ, դատարանն Իվաշչենկոյին պարտավորեցրել է առանց երկրի քրեակատարողական տեսչության աշխատակիցներին տեղյակ պահելու չհեռանալ Ուկրաինայի տարածքից, ինչպես նաև պարբերաբար ներկայանալ տեսչություն և վերագրանցվել:

Պաշտպանության նախարարի նախկին պաշտոնակատարի դեմ «Ծառայողական դիրքի չարաշահում» հոդվածով քրեական գործը հարուցվել էր 2010 թվականի օգոստոսին, իսկ 2012-ի ապրիլին նա դատապարտվել էր հինգ տարի ազատազրկման: