ՆԱԽԱԳԱՀ Բ. ՍԱՀԱԿՅԱՆԸ ՆԵՐԿԱ Է ԳՏՆՎԵԼ ՊԲ ՄԻ ՇԱՐՔ ՍՏՈՐԱԲԱԺԱՆՈՒՄՆԵՐԻ ՄԱՐՏԱԿԱՆ ԶՈՐԱՎԱՐԺՈՒԹՅՈՒՆՆԵՐԻՆ

Արցախի Հանրապետության Նախագահ Բակո Սահակյանն ապրիլի 12-ին ներկա է գտնվել հանրապետության արեւելյան մասում անցկացվող պաշտպանության բանակի մի շարք ստորաբաժանումների մարտական զորավարժություններին:

Նախագահը կարեւորել է նման միջոցառումների անցկացումը` նշելով, որ այն նպաստում է զինված ուժերի մարտունակության բարձր մակարդակի պահպանմանը:

Երկրի ղեկավարն արժեքավոր նվերներ է հանձնել մի խումբ զինծառայողների` զորավարժությունների ընթացքում դրված առաջադրանքների պատշաճ կատարման համար:

Զորավարժություններին ներկա էր Հայաստանի Հանրապետության պաշտպանության նախարարության պատվիրակությունը` պաշտպանության նախարարի պաշտոնակատար Սեյրան Օհանյանի գլխավորությամբ: