ՉԻՆԱՑԻՆԵՐԸ ՆՈՐ ԳԵՐԱՐԱԳ ԻՆՔՆԱԹԻՌ ԵՆ ՓՈՐՁԱՐԿԵԼ
Չինաստանը հիպերձայնային ինքնաթիռ է փորձարկել, որը կարող է միջուկային մարտագլխիկներ տեղափոխել` շրջանցելով հակահրթիռային պաշտպանության համակարգերը: Ինքնաթիռի կոդային անվանումն է WU-14: Այն արձակվել է մթնոլորտի վերին շերտեր և շարժվել է ձայնի արագությունից 10 անգամ արագ, այսինքն` մոտ 12.000 կմ/ժամ: Չինաստանն աշխատում է ևս մի գերձայնային ինքնաթիռի ծրագրի վրա:
Պենտագոնը հաստատել է փորձարկումների հաջողությունը, սակայն ԱՄՆ-ի հետախուզական ծառայություններն այլ մանրամասների չեն տիրապետում:
Նշենք, որ ԱՄՆ-ը նույնպես իրականացրել է մի շարք նմանատիպ ծրագրեր. ամենաարագ ինքնաթիռ Falcon HTV-ն առաջին փորձարկումների ժամանակ ցույց է տվել մոտ 24.000 կմ/ժամ արդյունք, իսկ երկրորդ փորձն արդեն ձախողվել է` զինվորականները կորցրել են սարքի հետ կապը, և փորձարկումները դադարեցվել են:
Խորագիր՝ Նորություններ
