ՄՈՍԿՎԱՆ ԵՎ ՊԵԿԻՆԸ ԿԱՋԱԿՑԵՆ ՄԻՋԱԶԳԱՅԻՆ ԱՆՎՏԱՆԳՈՒԹՅԱՆ ԱՄՐԱՊՆԴՄԱՆԸ
Ռուսաստանն ու Չինաստանը կձեռնարկեն բոլոր անհրաժեշտ միջոցառումները միջազգային անվտանգության ապահովման համար, ինչպես արդեն արվել է Սիրիայի իրավիճակի կարգավորման հարցում: Tert.am-ի փոխանցմամբ՝ այս մասին հայտարարել է ՌԴ նախագահ Վլադիմիր Պուտինը:
«Ռուսաստանն ու Չինաստանը շատ բան են արել, որպեսզի Սիրիայի հակամարտության հարցը բերեն խաղաղ կարգավորման ասպարեզ։ Բացի այդ, միջոցառումներ են ձեռնարկվել նաև քիմիական զենքի չեզոքացման համար»,- հայտնել է ՌԴ նախագահը Չինաստանի նախագահ Սի Ցզինպինի հետ համատեղ տեսաժողովի ժամանակ:
Պուտինն ընդգծել է, որ երկու երկրների նավաստիների ուսերին մեծ առաքելություն է դրված քիմիական զենքի չեզոքացման շուրջ պայմանավորվածությունների իրականացման գործում, քանի որ նրանք են պատասխանատու զինամթերք տեղափոխող նավերի պահպանման համար:
«Հետագայում մենք մտադիր են ձեռնարկել ցանկացած անհրաժեշտ միջոցառում միջազգային անվտանգության հաստատման համար»,- հավելել է ՌԴ առաջնորդը:
Խորագիր՝ Նորություններ
