ՍԵՈՒԼԸ ՄՏԱՀՈԳՎԱԾ Է ՃԱՊՈՆԻԱՅՈՒՄ ԿՈԼԵԿՏԻՎ ԻՆՔՆԱՊԱՇՏՊԱՆՈՒԹՅԱՆ ՀԱՄԱԿԱՐԳԻ ՍՏԵՂԾՄԱՄԲ

Սեուլը կոչ է արել Տոկիոյին հրաժարվել կոլեկտիվ ինքնապաշտպանության համակարգի ստեղծմանն ուղղված ջանքերից, պնդելով, թե դրանք ապակայունացնում են Հյուսիսարևելյան Ասիայում տիրող իրավիճակը: Հարավային Կորեայի պաշտպանության նախարարության կողմից պաշտոնապես հայտարարվել է, որ թեև Ճապոնիայի քայլերն արտոնված են Վաշինգթոնի կողմից, Հարավային Կորեան ու ասիական այլ երկրները դրանք վերառազմականացում են համարում, ինչը նաև տագնապի զգացում է առաջացնում: