ՀԱՅՈՑ ԲԱՆԱԿԻՆ

Հայոց բանակը ` քաջ, անպարտելի,

Պաշտպանն է մեր սուրբ հողի ու ջրի,

Նա՛ է սահմանը անառիկ պահում,

Նա՛ է մեզ կորով և ուժ պարգևում:

Նա՛ է պարծանքն ու պատիվը մեր,

Նա՛ է մեզ բերում երջանիկ օրեր,

Նա ապավենն է մեր խաղաղ կյանքի,

Եվ շունչ տվողը վեհ երազանքի:

Նա՛ մեր Աստվածն է, հավատը լուսե,

Նա ուրախության աղբյուր է ու սեր,

Նա՛ է աշխարհում հային հա՛յ պահում,

Ու նրանո՛վ ենք մենք փառավորվում:

Նա մարտական մեծ ուղի է անցել,

Բայց և ո՛չ մեկին չի հոխորտացել,

Լոկ մեր հողերի համար է կռվել,

Զուր տեղը երբեք արյուն չի հեղել:

Ա՛րդ, երի՛ցս փառք Հայոց բանակին,

Եվ փա~ռք ու պատիվ մեր հայ մարտիկին,

Թող նրանց երթը լինի անխափան,

Զենքը` մի՜շտ հատու, երգը` հաղթական:

ՄԻՔԱՅԵԼ ԲԱԼՅԱՆ

Թոշակառու ուսուցիչ

գ. Մեծ Թաղեր