ԴՈՒՇՄԱՆ ՎԱՐԴԱՆ

Արծիվ Վարդան, Դուշման Վարդան, քաջ Վարդան,
Ազգի զինվոր, բազկի զինվոր, ջա՜ն Վարդան,
Սասնա ծուռ ես` Թուր Կեծակին քո ձեռքին,
Դու բալասան եղար հայոց խոր վերքին:

Այդ ինչ մայր է վառ մուրազով քեզ ծնել,
Հայրենիքի մորմոքներով քեզ սնել,
Աշխարհ եկար ազգիդ ցավը տանելու,
Մեր դարավոր մեծ վրեժը հանելու:

Քո մարտական ընկերներով քաջասիրտ,
Գոռ Արցախում ջարդ տվեցիր թուրքին բիրտ,
Նոր փառք բերիր հայոց մեր հին փառքերին,
Հաղթեց լույսը, հաղթեց կամքը մեր վերին:

Դու եկել ես հայոց հին-հին դարերից,
Դու իջել ես քո սեգ նախնյաց սարերից,
Աշխարհ եկար ազգիդ ցավը տանելու,
Մեր դարավոր մեծ վրեժը հանելու:

Արծիվ Վարդան, Դուշման Վարդան, քաջ Վարդան,
Ազգի զինվոր, բազկի զինվոր, ջա՜ն Վարդան:

ՌՈՒԲԵՆ ԳՐԻԳՈՐՅԱՆ