ԳԵՈՐԳԻ ԳՈՒՐՋԻԵՎ. ՓԻԼԻՍՈՓԱՆ, ՀՈԳԵԲԱՆԸ ԵՎ ՄՈԳԸ

♦ Նա կարծես գիտեր բոլոր հարցերի պատասխանը:

♦ Ժամանակակիցների բնութագրմամբ` նա մի մարդ էր` հնդիկի կամ արաբի դիմագծերով, անսովոր արտաքինով, հայացքը յուրահատուկ խորը, ներթափանցող:

♦ Ծննդյան ճիշտ թվականը հայտնի չէ. մի առիթով նա ասել է, որ գալու է ժամանակը, երբ սերունդները կռահելու են այդ թիվը:

♦ Ծնվել է Ալեքսանդրապոլում (Գյումրի)` հույն վաճառականի ընտանիքում:

♦ Վաղ հասակից Գուրջիևը տարված է եղել սիմվոլիկայի հնագույն գաղտնիքներով, կիրառել տարբեր մեդիտացիաներ, ականատես է դարձել մի շարք անբացատրելի ֆենոմենների:

♦ Նրա կյանքի ուղենիշը եղել է տատի խոսքը. «Լսի՛ր ու մտապահի՛ր. կամ մի՛ արա այն, ինչ անում են բոլորը, կամ արա այն, ինչ ոչ ոք չի անում»:

♦ Նա տասնմեկ տարեկանում փախչում է տնից` դառնալով հավիտենական պանդուխտ` իմաստություն որոնելու և նախախնամության խորհուրդը բացահայտելու համար:

♦ Գուրջիևը իմաստություն է որոնել աշխարհի տարբեր երկրներում և ուսումնասիրել աշխարհի կրոնները:

♦ Նա կարող էր ցուլին մտովի սպանել տասնյակ կիլոմետրեր հեռավորության վրա, բայց երդվել էր երբեք և ոչ մի դեպքում չօգտագործել իր զարմանալի կարողությունը` բացի հետազոտական նպատակից:

♦ Գուրջիևի ինքնազարգացման տեխնիկայից առաջացել է հոգեբանության առաջատար ուղղություններից մեկը` նեյրոլինգվիստիկ ծրագրավորումը:

♦ Նա ողջ կյանքի ընթացքում (1866 կամ 1877-1949) աշխատել է իր ունակությունների զարգացման վրա, մինչև հասել է ԿԱՏԱՐԵԼՈՒԹՅԱՆ:

ԽՈՐՀՈՒՐԴՆԵՐ

♦ Միշտ ավարտին հասցրու քո կողմից սկսածը:

♦ Ինչ որ անում ես, արա այնքան լավ, ինչքան դա հնարավոր է:

♦ Շռայլությունդ ցուցաբերիր առանց վկաների:

♦ Ցանկացած մարդու հետ վարվիր այնպես, ինչպես քո ամենամոտ հարազատի հետ կվարվես:

♦ Ինչ որ փչացրել ես, ուղղի՛ր:

♦ Սովորիր ստանալ և շնորհակալ լինել յուրաքանչյուր պարգևի համար:

♦ Օգնիր նրանց, ովքեր քո կողքին են, սակայն նրանց քեզանից կախյալ մի դարձրու:

♦ Չափազանց շատ տարածություն մի՛ զբաղեցրու:

♦ Բաշխի՛ր արդարացիորեն:

♦ Մի՛ գայթակղիր:

♦ Մի՛ խոսիր քո անձնական խնդիրների մասին:

♦ Անօգուտ բարեկամություն մի՛ հաստատիր:

♦ Մի՛ վաճառիր քեզ:

♦ Հարգիր քո կողմից ստորագրված համաձայնագրերը:

♦ Մի՛ նախանձիր ուրիշի ունեցվածքին և նվաճումներին:

♦ Խոսիր միայն այն մասին, ինչն անհրաժեշտ է:

♦ Մի՛ մտածիր այն օգուտների մասին, որ կարող են բերել քո գործողությունները:

♦ Վեճում միշտ քեզ դիր ուրիշների տեղը:

♦ Ընդունի՛ր, եթե ինչ-որ մեկը քեզ գերազանցել է:

♦ Հաղթահարի՛ր քո վախերը:

♦ Օգնիր ուրիշներին, որ նրանք ունակ դառնան իրենք իրենց օգնել:

♦ Հաղթահարի՛ր քո միջի թշնամության զգացումը և եղիր նրանց կողքին, ում ցանկանում ես մերժել:

♦ Ատելությունդ կարեկցանքի փոխիր:

♦ Քեզ մի՛ գովաբանիր, բայց մի էլ վիրավորիր:

♦ Զարգացրու երևակայությունդ:

♦ Վճարիր քեզ համար արված աշխատանքի և ծառայությունների համար:

♦ Մի՛ փորձիր ուրիշների մոտ քո նկատմամբ խղճահարության կամ հիացմունքի զգացումներ առաջացնել:

♦ Երբեք մի՛ հակաճառիր, ուղղակի պահպանիր լռություն:

♦ Եթե հրապարակայնորեն վիրավորում ես, հրապարակայնորեն էլ ներողություն խնդրիր:

♦ Նկատելով խոսակցության մեջ սխալդ, մի՛ պնդիր քո ճիշտ լինելը:

♦ Մի՛ պաշտպանիր քո նախկին գաղափարները միայն նրա համար, որ դրանք արդեն բարձրաձայնել ես:

♦ Անօգուտ իրեր մի՛ պահիր:

♦ Քեզ մի՛ զարդարիր ուրիշի գաղափարներով:

♦ Անվանի մարդկանց հետ մի՛ նկարվիր:

♦ Ինքդ եղիր քո դատավորը:

♦ Եթե դու մեդիտացիա ես անում և քեզ մոտ հայտնվում է Սատանան, նրան էլ ստիպիր մեդիտացիա անել: