ՀԵՐԹԱԿԱՆ ԼԱՐՎԱԾՈՒԹՅԱՆ ԱՌԻԹ

Հարավային Կորեան Հյուսիսային Կորեայի հետ սահմանամերձ երկու կղզիների տարածքում մարտական հրաձգությամբ հրետանային զորավարժություն է անցկացնելու: Ծովային հետևակայինները կրակելու են թնդանոթներից, հաուբիցներից, ականանետներից: Զորավարժության ընթացքին խորհրդականների կարգավիճակով հետևելու են ամերիկյան տասը զինվորականներ:
Նշված կղզիներից մեկի մոտ անցած տարվա նոյեմբերին սահմանային միջադեպ էր տեղի ունեցել, Հյուսիսային Կորեայի բանակը հրետակոծել էր կղզու տարածքը, ինչի հետևանքով չորս մարդ էր զոհվել: