ԳԱԵԼ ԱՆԴՈՆՅԱՆ

Ուրախ եմ, որ կան հայորդիներ, ովքեր պատրաստ են օգնելու հավաքականին: Դրանցից մեկն էլ Գաել Անդոնյանն է: Նա ճիշտ ժամանակին եկավ հավաքական և կարող է օգտակար լինել :

Մարսելո Բիելսան

***
«Բավական է մեկ անգամ այցելես Հայաստան, եւ այն ընդմիշտ կմնա քո սրտում»:

«Հայաստանի հավաքականում հանդես գալու առաջարկն արդեն մեծ պատիվ է ինձ համար: Հուսամ, որ կկարողանամ լավ արդյունքներ գրանցել եւ օգնել մեր հավաքականին: Ինձ շատ լավ ընդունեցին հավաքականում, եւ շատ գոհ եմ ամեն ինչից»:

***

* Հայաստանի հավաքականի և Մարսելի « Օլիմպիկի » պաշտպան:

* Ծնվել է Ֆրանսիայի ծովափնյա հարավային Մարսել քաղաքում 1995 թվականի փետրվարի 27-ին:

* Հայրը Մարսելի հայտնի ռիելտորն է:

* Մայրը բնիկ բելգիացի է:

* 2001 թ. ընդունվել է «Գեմենոսիեն» ակումբի ակադեմիա:

* 2003 – 2004 թթ մարզվել է «Աուբանժում»:

* 2004 թ. պատանի Գաելը տեղափոխվել է Մարսելի «Օլիմպիկի» ակադեմիա ու սկսել առաջին քայլերը մեծ ֆուտբոլի ճանապարհին:

* 2004 թ. հայազգի ֆուտբոլիստը հրավիրվել է Ֆրանսիայի մինչև 16 տարեկանների հավաքական:

* 2012 թվականից ի վեր «Օլիմպիկի» երիտասարդական թիմերում Գաելն ընդհանուր առմամբ անցկացրել է 29 խաղ, խփել 1 գոլ, ստացել 6 դեղին քարտ:

* 2014 թվականի նոյեմբերի 2-ին կայացավ Անդոնյանի նորամուտը Ֆրանսիայի առաջնությունում` «Օլիմպիկ»-«Լանս» խաղում, որն ավարտվեց «Օլիմպիկի» հաղթանակով` 2=1 հաշվով:

* 20- ամյա կենտրոնական պաշտպանի հասակը 185 սմ է , քաշը` 74 կգ:

***

Ֆրանսիայում շատերն են ուրախությամբ ընդունել Գաել Անդոնյանի՝ Հայաստանի ֆուտբոլի ազգային հավաքականում հանդես գալու լուրը: Ֆրանսահայերը բազմաթիվ հաղորդագրություններով շեշտում են, որ հպարտ են, որ Ֆրանսիայի հայկական համայնքից ֆուտբոլիստ է ընդգրկվել Հայաստանի ազգային հավաքականում:

Պատրաստեց
Ս. ՀԱՐՈՒԹՅՈՒՆՅԱՆԸ