ԴԱՐՁՅԱԼ ՈՒԺԻ ՑՈՒՑԱԴՐՈՒԹՅՈՒՆ

Կասպից ծովում մեկնարկել են Ռուսաստանի ռազմածովային ուժերի Կասպյան տորմիղի 2016թ. տարեկան պլանային հերթական հրամանատարաշտաբային զորավարժությունները:

Մասնակցում են հազարից ավելի զինծառայողներ եւ հարյուրից ավելի միավոր ռազմական եւ հատուկ տեխնիկա, ինչպես նաեւ Կասպյան տորմիղի 30 ռազմանավեր:

Թե ինչ ահեղ ուժ է իրենից ներկայացնում Կասպյան տորմիղը, 2015թ. նոյեմբերի 20-ին համոզվեցին թե՛ «Իսլամական պետության» սիրիական Ռաքքա, Իդլիբ եւ Հալեպ նահանգներում գործող ահաբեկչական 7 զորաջոկատները, որոնց գլխին 2.000 կմ հեռավորությունից երկնքից հրեղեն պատժի նման թափվեցին ռուսական 18 ահեղ թեւավոր  «Կալիբր» հրթիռները եւ թե՛ «Իսլամական պետության» բոլոր տեսակի հովանավորներն ու նաեւ… թշնամիները:

Մնացական ԽԱՉԱՏՐՅԱՆ