ՀԱՎԱՏԱ՛ՆՔ ՄԵՐ ԲԱԶԿԻ ՈՒԺԻՆ

Ես իրոք հիացած եմ մեր երիտասարդների ուժով, կամքով, նրանով, թե  ինչ առյուծի սիրտ են կրում իրենց կրծքի տակ, ինչ լավ զինվորական մասնագետներ են: Մենք բոլորս մեծ ցավ ենք զգում, երբ լսում ենք զոհվածների անուններ, բայց մյուս կողմից  միասնության ոգին, որ հիմա տիրում է մեր հանրապետությունում, Արցախում, ապացուցում է մի բան, թե որքան մեր ժողովուրդը քաղաքակիրթ է, որքան ժողովրդի հոգին հղկված է: Այսպիսի պինդ, միասնական ժողովրդին  հաղթելը դյուրին գործ չի, եւ նրան չես խաբի կամ հանկարծակիի բերի:

Շատ կարեւոր է, որ մենք այսօր աշխարհին տեղյակ պահենք, թե ահաբեկչության հովանավորներ Թուրքիան եւ Ադրբեջանը ինչպիսի վարք ու բարք են դրսեւորում: Աշխարհը պետք է սթափվի ու հասկանա, որ այսպես շարունակել չի լինի:

Մեր բանակը ոգով արիների բանակ է:

Ես հավատում եմ մեր զինվորների, մեր սպաների, մեր բանակի զորությանը:

Էդվարդ ՄԻԼԻՏՈՆՅԱՆ

ՀԳՄ նախագահ