Հայ զինվոր

ՀՀ ՊՆ ՄՈՆԹԵ ՄԵԼՔՈՆՅԱՆԻ ԱՆՎԱՆ ՌԱԶՄԱՄԱՐԶԱԿԱՆ ՎԱՐԺԱՐԱՆԸ ՀԱՅՏԱՐԱՐՈՒՄ Է 2016-2017 ՈՒՍՏԱՐՎԱ ԸՆԴՈՒՆԵԼՈՒԹՅՈՒՆ

Վարժարանը ռազմամարզական թեքումով հանրակրթական ուսումնական հաստատություն է, որն իրականացնում է ավագ դպրոցի (10-րդ, 11-րդ և 12-րդ դասարաններ) պետական հանրակրթական ծրագրեր: Առանձնակի ուշադրություն է դարձվում ֆիզիկական, լեռնային և նախնական զինվորական պատրաստությանը: Ռազմամարզական վարժարանում տարվում է արական սեռի պատանիների ուսուցում: Ուսուցման լեզուն հայերեն է: Ուսուցման ժամկետը՝ երեք տարի, որը բաշխվում է շարունակական երեք կուրսի վրա (1-ին կուրս-10-րդ դասարան, 2-րդ կուրս-11-րդ դասարան, 3-րդ կուրս-12-րդ դասարան): Ուսուցումն անվճար է: Ռազմամարզական վարժարան ընդունվելու համար կարող են դիմել հանրակրթական դպրոցի 9-րդ դասարանն ավարտած ՀՀ քաղաքացիները:

Վարժարանի շրջանավարտներն ընդունվում են ՀՀ, ՌԴ, Անգլիայի, Գերմանիայի, Իտալիայի, Ֆրանսիայի, Հունաստանի ռազմաուսումնական հաստատություններ, ինչպես նաև ՀՀ պետական պատվերով բարձրագույն ուսումնական հաստատություններ:

Ռազմամարզական վարժարան ընդունվել ցանկացող պատանիների ծնողները (նրանց փոխարինող անձինք) ընդունելության տարվա ապրիլի 01-ից մինչև հուլիսի 25-ը ռազմամարզական վարժարանի պետի անունով ներկայացնում են դիմում, որին կցվում է պատանու դիմումը վարժարանում սովորելու ցանկության մասին:

Ընդունելության քննություններ

2016-2017 ուստարվա ընդունելության քննությունները կկատարվեն ս.թ. հուլիսի 25-ից օգոստոսի 15-ը` հիմնական կրթության 9-րդ դասարանի ծրագրի ծավալով:

Քննությունները հանձնելուց առաջ թեկնածուներն անցնում են ամբողջական բժշկական հետազոտություն:

Ընդունելության քննությունները անցկացվում են մրցութային կարգով հետևյալ առարկաներից.

– ֆիզիկական պատրաստություն` ձգումներ ձողափայտից, 100 մետր և 1000 մետր վազք,

– հայոց լեզու` թելադրություն,

– մաթեմատիկա` գրավոր:

Անհրաժեշտ փաստաթղթեր

1. Դիմում

2. Բժշկական փաստաթղթեր

ա/ մեզի և արյան անալիզներն առանձին (կնքված), MRP անալիզ (կնքված)

բ/ սրտի ԷԿԳ (ժապավենը և պատասխանը կնքված)

գ/ տեղեկանք հոգեբուժական և նարկոլոգիական դիսպանսերներից (կնքված)

դ/ սոնոգրաֆիա (կնքված)

ե/ ձև 63 և 26 (կնքված)

զ/ արյան կարգը

3. Ինքնակենսագրություն (դիմորդի ձեռագրով)

4. Բնութագիր` հաստատված դասղեկի և դպրոցի տնօրենի ստորագրություններով և կնքված

5. 9-ամյա կրթության վկայականը և պատճենը

6. Ծննդյան վկայականը և պատճենը

7. Տեղեկանք բնակավայրից, որտեղ նշված լինեն հասցեն և ընտանիքի կազմը

8. Տեղեկանք ծնողների աշխատանքի վայրից, ծնողների (խնամակալի) անձնագրերի պատճենները

9. Սոցիալական քարտի պատճենը

10. 3×4 չափսի 4 լուսանկար (առանց գլխարկի)

11. Թղթապանակ և ծրար

12. Դիպլոմների և պատվոգրերի պատճեններ, տեղեկանքներ, այլ փաստաթղթեր ծնողի և երեխայի կարգավիճակի մասին (ծնողազուրկ, հաշմանդամ, սոցիալապես անապահով, պատերազմի մասնակից)£