ՆԵՐԿԱՅԱՑՈՒՄ ԶՈՐԱՄԱՍՈՒՄ

Հունիսի 18-ին հարավ-արևելյան զորամասերից մեկի զինծառայողներին անակնկալ էր սպասում.  զորամաս էր այցելել «Ռազմիկ» թատերական հիմնադրամի գեղարվեստական խումբը:

Զինծառայողներին ներկայացվեց «Վանա կատու» ներկայացումը: Բեմադրության հիմքում մի պատմություն էր, որի գլխավոր իմաստը հայրենի սահմանը չլքելն ու սեփական հողը ամուր պահելն է: Ներկայացումից տպավորված էին ինչպես զինծառայողները, այնպես էլ սպաները: Բեմում սիրված և սպասված դերասաններ էին, որոնք իրենց լավ խաղի համար արժանացան զինվորների բուռն ծափահարություններին:

Դերասանները նույնպես ոգևորված և տպավորված էին: Նրանք զինվորների խանդավառ վերաբերմունքից հասկանում էին, որ իրենց այցելությունը ավելի քան  անհրաժեշտ էր և տեղին, որ իրենց ասելիքը ընկալվել և պարարտ հող է գտել հանդիսատեսի  հոգում, որ իրենց արվեստն է օգնելու զինվորին և մղելու ավելի մեծ ջանասիրությամբ ծառայելու հայրենիքին:

Դավիթ ՄԱՐՏԻՐՈՍՅԱՆ

1 -ին ԲԿ-ի թղթակցական կետի անդամ,

կրտսեր սերժանտ