ՀՐԱՄԱՆԱՏԱՐԱԿԱՆ ՀԱՎԱՔՆԵՐԸ
Մասնագիտական բա՛րձր ունակություններ
Պատրաստության բա՛րձր մակարդակ
Համաձայն զորամիավորման 2016 ուս. տարվա պատրաստության պլանի’ հուլիսի 12-ից 3-րդ ԲԿ շտաբում մեկնարկեցին զորամիավորման ենթակա զորամասերի գծային գումարտակների, դիվիզիոնների հրամանատարների և նրանց տեղակալների կազմով անցկացվող հրամանատարական հավաքները: Հավաքների նպատակն է առավել կատարելագործել հրամանատարական կազմի մասնագիտական ունակություններն ու բարձրացնել նրանց պատրաստության մակարդակը:
Մասնակիցների հետ անցկացվում են հրամանատարական պատրաստության գործնական, ցուցադրական և մեթոդական պարապմունքներ, խմբային վարժանքներ, ստուգողական հրաձգություններ, սպորտային ու մշակութաժամանցային միջոցառումներ:
Դասընթացի ավարտին կանցկացվեն ստուգարքներ, և լավագույն արդյունքներ ցուցաբերած սպաները կխրախուսվեն զորամիավորման հրամանատարի կողմից:
