ԿՈՄՍ ՎՐՈՆՍԿԻ

լրտես, գուշակ, աստղագուշակ կամ հանճարեղ խաբեբա

Այս անունը Լև Տոլստոյի հայտնի կերպարի հետ ոչ մի կապ չունի, սակայն վատ չէր լինի, եթե նրա կյանքի մասին նույնպես գիրք գրվեր: Կոմս Վրոնսկին աստղագուշակ էր, բժիշկ ու բուժակ, սովետական լրտես և մայոր Վերմախտում:

Սերգեյ Վրոնսկին ծնվել է 1915թ. ցարական բանակի գեներալի ընտանիքում, սակայն հեղափոխությունից հետո գեներալի ընտանիքը գնդակահարում են, և միայն փոքրիկ Սերգեյն է, որ կարողանում է փրկվել ու դայակի հետ փախչել Փարիզ: Վրոնսկու տատիկը երկար դեգերումներից հետո կարողանում է գտնել թոռանը և վերցնել իր հոգածության տակ: Եվ ահա հենց տատիկից էլ Սերգեյ Վրոնսկին սովորում և յուրացնում է աստղագուշակության տարրական գիտելիքները, որոնք էլ հետագայում ամրապնդում է Բեռլինի  կենսառադիոգիտության ինստիտուտում, որտեղ սովորում էին հիպնոս,  հեռամտազգացողություն ¥ՑպսպտՈՑՌÿ), աստղագիտություն, ռադիոգիտություն, որոնք հետո ծառայելու էին հիտլերյան վերնախավին:

Վրոնսկին դառնում է Վերմախտի բուժաշխատող և ստանում է լեյտենանտի կոչում: Մի անգամ նա կազմում է Հիտլերի մտերիմներից Ռուդոլֆ Հեսսի աստղաբանական հորոսկոպը, որը նույնությամբ համընկնում է, և որից հետո Հեսսը բազմիցս դիմում է Վրոնսկուն տարբեր խորհուրդներով: Ռուս աստղագետի խորհրդատվությանն է դիմում անգամ Հիտլերը` չկասկածելով, որ վերջինս հավաքագրված է ռուսական հետախուզության կողմից: Սակայն պատերազմից հետո նա հայտնվում է համակենտրոնացման ճամբարում և հարցաքննվում է Բերիայի և նույնիսկ անձամբ Ստալինի կողմից: Համակենտրոնացման ճամբարից վերադառնալուց հետո Վրոնսկուն աշխատանքի են տեղավորում տիեզերաբանության ինստիտուտում, որտեղ նա կազմում է տիեզերագնացներ Կորոլյովի ու Գագարինի աստղաբանական կանխատեսումները: Հատկանշական է, որ Վրոնսկին գուշակում է Գագարինի վախճանը եւ համառորեն խնդրում, որ Գագարինը այդ օրը թռիչք չկատարի Երկրի շուրջ, որն էլ դառնում է նշանավոր տիեզերագնացի մահվան պատճառը:

Լեոնիդ Իլյիչ Բրեժնևի ղեկավարության օրոք նույնպես Վրոնսկին իր ծառայություններն էր մատուցում գլխավոր քարտուղարին: Սակայն Խորհրդային Միության տարիներին աստղագուշակությանը լուրջ չէին վերաբերվում, և այդ բնագավառի հաջողությունները լայն զանգվածներին այնքան էլ հասանելի չէին:

1980-ական թվականներին Սերգեյ Վրոնսկին դասախոսություններ էր կարդում աստղագիտությունից, իսկ այնուհետև իր հուշագրություններն է տպագրում «ԾՏրՍՏՉրՍՌռ ՍՏՎրՏՎՏսպՓ» թերթում: Այսօր նրան համարում են դասական աստղագիտության հիմնադիրը Ռուսաստանում, բայց և անվիճելի է, որ նա օժտված էր բնատուր խորաթափանցությամբ ու իմաստությամբ: «Մարդիկ կարծում են, թե իրենք են իրենց ճակատագրի տերը, բայց դա պատրանք է: Կանխատեսումներով և մարգարեություններով մարդիկ զբաղվել են դեռ հին ժամանակներից: Բայց մի բան է խիստ անհատական մոտեցումը, մեկ այլ բան` հանրայինը: Դժբախտաբար, աստղագուշակության ասպարեզում քիչ չեն խարդախները, որոնք միայն մեկ նպատակ են հետապնդում` որքան կարելի է շահ ստանալ ուրիշներին խաբելու միջոցով»:

Էջը պատրաստեց ՀԱՍՄԻԿ ՄԱԴՈՅԱՆԸ

Մայոր