«ԲՈՒԼԱՎԱՆ» ՊԱՏՐԱՍՏ Է ՍԵՐԻԱԿԱՆ ԱՐՏԱԴՐՈՒԹՅԱՆ

Ռուսաստանի պաշտպանության նախարարության գնահատմամբ, ծովային տեղակայման «Բուլավա» միջմայրցամաքային բալիստիկ հրթիռը պատրաստ է սերիական արտադրության: Նման կարծիք հնչել է «Յուրի Դոլգորուկի» ատոմային սուզանավից օրերս կատարված հաջող փորձարկումից հետո:

Մինչ այժմ կատարվել է հրթիռի 15 փորձարկում, որից 8-ը` հաջողված: Մինչև տարեվերջ նախատեսվում է ևս 4 փորձարկում անցկացնել, որոնց լիակատար հաջողվածության դեպքում հրթիռը սպառազինության կվերցվի 2011թ.: