ՀՀ ՊՆ ԲԱՂՐԱՄՅԱՆ ԶՈՐԱՎԱՐԺԱՐԱՆՈՒՄ ԱՆՑԿԱՑՎԵԼ ԵՆ ՃԱՄԲԱՐԱՅԻՆ ՀԱՎԱՔՆԵՐ
ՀՀ ՊՆ մարշալ Բաղրամյանի անվան զորավարժարանում զինված ուժերի հրթիռահրետանային զորամասերից մեկի զինծառայողները մասնակցել են ճամբարային հավաքների:
Մեկամսյա ճամբարային հավաքների շրջանակում անցկացված տեսական ու գործնական պարապմունքների ընթացքում ամրապնդվեցին դասակների, մարտկոցների հրամանատարների կողմից որոշումների ընդունման, տեղանքում փոխգործակցության կազմակերպման հմտությունները: Դաշտային պայմաններում ներդաշնակվել են նաև մարտական հաշվարկների, դասակների ու մարտկոցների գործողությունները:
Ճամբարային հավաքի ամփոփիչ փուլում հրթիռահրետանային ստորաբաժանումն անցկացրել է նաեւ զորավարժություն: Կրակային ստուգատեսի նպատակն էր ամփոփել ճամբարային հավաքի ընթացքում զինծառայողների ձեռք բերած գիտելիքներն ու գնահատել զորամասի մարտական պատրաստության աստիճանը:
