ԶՈՀՎԱԾ ԶԻՆԾԱՌԱՅՈՂՆԵՐԻ ԸՆՏԱՆԻՔՆԵՐԸ՝ ՈՒՇԱԴՐՈՒԹՅԱՆ ԿԵՆՏՐՈՆՈՒՄ
Օրերս 5-րդ բանակային զորամիավորման հրամանատար, գեներալ-մայոր Կ. Աբրահամյանը զորամիավորման ավագ գնդերեց Տեր Ենովք քահանա Եսայանի, Արտաշատի և Արարատի զինկոմների հետ միասին այցելել է հայրենիքի հանդեպ իրենց պարտքը կատարելիս զոհված պարտադիր ժամկետային զինծառայողներ Անդրանիկ Ատոմի Զոհրաբյանի, Արթուր Անդրանիկի Առաքելյանի և Սուրեն Արմենի Մոսիյանի ընտանիքներին:
Տեր Ենովք քահանա Եսայանը կատարել է օրհնության կարգ:
Ծնողների հետ հանդիպման ժամանակ գեներալ-մայոր Կ. Աբրահամյանը հավաստիացրել է, որ զոհված զինծառայողների ընտանիքները պետության և հասարակության ուշադրության կենտրոնում են: Իսկ նման հանդիպումները շարունակական են լինելու, և օգտագործվելու է յուրաքանչյուր հնարավորություն՝ դրանք ավելի բովանդակալից դարձնելու, նպատակային օգնություն կազմակերպելու համար:
Այնուհետև զոհված զինծառայողների ընտանիքներին տրվել է Հայ Առաքելական եկեղեցու Գերմանիայի թեմի փոխառաջնորդ Տեր Սերովբե վարդապետ Իսախանյանի նախաձեռնությամբ հայ համայնքի հանգանակած նյութական օգնությունը:
