ԼԱՏՎԻԱՅՈՒՄ ՄՏԱԾՈՒՄ ԵՆ ՊԱՏԵՐԱԶՄԻ ԺԱՄԱՆԱԿ ՌԱԶՄԱԿԱՆ ԳՐԱՔՆՆՈՒԹՅՈՒՆ ԿԻՐԱՌԵԼՈՒ ՄԱՍԻՆ
Լատվիայի պաշտպանության նախարարությունը հավանական պատերազմի կամ հեղափոխության դեպքում ԶԼՄ-ների նկատմամբ սահմանափակումներ կիրառելու ծրագիր է նախապատրաստել:
Արտակարգ իրավիճակի դեպքում իշխանությունները հրապարակումների բովանդակությունը վերահսկելու, ռադիո և հեռուստատեսային ծրագրեր փակելու, թերթերի տպաքանակներ բռնագրավելու իրավունք պետք է ստանան: Պաշտպանական գերատեսչությունում դա բացատրում են հակառակորդի գրաված լրատվամիջոցը թշնամական քարոզչության մեխանիզմի վերածելու հնարավորությունը բացառելու ցանկությամբ, նաև այլ երկրներում գործող նմանատիպ դրույթներով:
Մինչդեռ լատվիացի լրագրողների կարծիքով, սահմանափակումները ոչ միայն անթույլատրելի են, այլև անիմաստ` տեխնոլոգիաների զարգացման արդի պայմաններում: Նրանք նշում են, որ այսօր կան ֆեյսբուք, թվիտտեր, այլ սոցիալական ցանցեր, և նույնիսկ հեռուստատեսությունն ու ռադիոն միասին անջատելու դեպքում էլ մարդկանց ինտերնետից զրկել գործնականում անհնար է:
Սահմանափակումների վերաբերյալ օրենքի նախագիծը շուտով քննարկվելու է Լատվիայի Սեյմում:
Խորագիր՝ Նորություններ, Տարածաշրջան
