ԴԱՐԻ ՄԵԾԱԳՈՒՅՆ ԱՐՎԵՍՏԱԳԵՏԸ

ՇԱՌԼ ԱԶՆԱՎՈՒՐ

2016 թվականի հոկտեմբերի 28-ին Հոլիվուդի փառքի ծառուղիում հանդիսավորությամբ բացվեց աշխարհահռչակ շանսոնիե Շառլ Ազնավուրի աստղը: Տաղանդավոր երաժշտի աստղը տեղադրվել է «Pantages» թատերական սրահի դիմաց, որտեղ էլ կայացել է 92-ամյա երգչի համերգը:

Աշխարհին ավելի քան 1200 ստեղծագործություն պարգևած երգիչը չէր կարող նման պատվի չարժանանալ:

Պարգևներ

1963, 1971, 1980 – Էդիսոնի մրցանակ

1971 – «Ոսկե առյուծ» պատվավոր մրցանակ

«Mourir d’aimer» իտալական տարբերակի համար

1995 – ֆրանս. ակադեմիայի մեծ մեդալ

1995 – UNESCO-ում Հայաստանի բարի կամքի մշտական դեսպան

1996 – Երգահանների փառքի սրահի մրցանակ

1997 – ֆրանս. VICTOIRE մրցանակ, տարվա տղամարդ արտիստ

1997 – Պատվավոր Սեզար մրցանակ

1997 –  Սպայի և պատվի լեգեոնի

2004 – Հայաստանի Հանրապետության Ազգային հերոս

2006 – Կահիրեի 30-րդ կինոփառատոնում պատվավոր մրցանակ

2008 – Կանադական պատվավոր սպա

2008 – Հայաստանի Հանրապետության պատվավոր քաղաքացի

2009 – MIDEM. կյանքի ընթացքում նվաճումների մրցանակ

2009 – Լեռնային Ղարաբաղի Հանրապետության «Գրիգոր Լուսավորիչ» շքանշան

2009 – Քվեբեկի ազգային սպայի կոչում

2010 – Պատվո շքանշան Ռուսաստանի և Ֆրանսիայի միջև

մշակութային կապերի ամրապնդման համար

2014 – Ռուբեն Մամուլյանի անվան հատուկ մրցանակ «Հայակ» մրցանակաբաշխության

ժամանակ, Ազնավուրի` համաշխարհային կինոյում ունեցած դերի համար:

Ազնավուրը հպարտանում է իր հայկական ծագմամբ, մշտապես սատար է կանգնում Հայաստանին: 1988թ. Սպիտակի ավերիչ երկրաշարժից անմիջապես հետո հիմնադրել է «Ազնավուրը Հայաստանին» բարեգործական հիմնադրամը: Հայաստանի մշտական դեսպանն է ՅՈՒՆԵՍԿՕ-ում:

Հայաստանի Հանրապետության նախագահի 2009թ. մայիսի 4-ի հրամանագրով Շառլ Ազնավուրը նշանակվել է Ժնևի ՄԱԿ-ի գրասենյակում և այլ միջազգային կազմակերպություններում Հայաստանի մշտական ներկայացուցիչ: 2009թ. մայիսի 5-ի հրամանագրով համատեղության կարգով նշանակվել է Շվեյցարիայի Համադաշնությունում Հայաստանի Հանրապետության արտակարգ և լիազոր դեսպան:

Վիլյամ Սարոյանը մի առիթով ասել է. «Երբ ռադիոընդունիչի կոճակը կսեղմեմ և հեռու հեռուներում կլսեմ Ազնավուրի երգերը, միտքես կըսեմ . «Ապրի՛ս, եղբա՛յր, դուն ալ հաղթեցիր, դուն մեծ ու տոկուն հայ մըն ես…»:

Պատրաստեց Հասմիկ ՄԱԴՈՅԱՆԸ

մայոր