ՊԵՆՏԱԳՈՆԻՑ ՏՎՅԱԼՆԵՐ ԵՆ ԳՈՂԱՑԵԼ

Պենտագոնում խոստովանել են, որ այս տարվա մարտին կիբերգրոհի են ենթարկվել, որի արդյունքում ռազմական գերատեսչության տվյալների` պատմության մեջ ամենախոշոր գողությունն է տեղի ունեցել:

Ըստ պաշտպանության նախարարի տեղակալ Ուիլյամ Լիննի, խոսքը 24 000 ֆայլի մասին է:

Ռազմական մասնագետների գնահատմամբ գրոհը կազմակերպել են արտասահմանյան պետություններից մեկի իշխանությունները:

ԱՄՆ պաշտպանության նախարարության աշխատանքում ներգրավված է ավելի քան 15 000 համակարգչային ցանց, ինչպես նաև շուրջ 7 միլիոն համակարգիչ աշխարհի տասնյակ պետություններում: