ԱՄՆ ԶԻՆԾԱՌԱՅՈՂՆԵՐԸ ՋԵՐՄԱԶԳԱՅՈՒՆ ՀԱՄԱԶԳԵՍՏ ԿՈՒՆԵՆԱՆ

Պենտագոնը մրցույթ է հայտարարել ամերիկյան զինծառայողների համար ունիվերսալ համազգեստ մշակելու համար: Այն պետք է ինքնուրույն հարմարվի եղանակային տարբեր պայմաններին` արևի տապին անհրաժեշտ զովություն ապահովի, տաքացնի սառնամանիքի ժամանակ, անջրաթափանց լինի:

Նոր համազգեստի շնորհիվ այլևս անհրաժեշտ չի լինի ուսապարկում համազգեստի լրացուցիչ կոմպլեկտ կրել եղանակային անակնկալներից խուսափելու համար:

Նոր համազգեստի աշխատանքային միջակայքը +23-ից մինչև -40 աստիճանն է:Ասենք, եթե զինվորը լեռնային տարածքից իջնում է դաշտավայր, «խելացի» համազգեստը պետք է համապատասխանի եղանակային ակնհայտ փոփոխություններին և մնա նույնքան հարմարավետ: