ԱՄԵՐԻԿՅԱՆ ՌԱԶՄԱՆԱՎԵՐԸ ՓԱԽՉՈՒՄ ԵՆ ՙԱՅՐԻՆ՚ ՓՈԹՈՐԿԻՑ

Ռազմածովային ուժերի հրամանատարությունը սկսել է Վիրջինիայում գտնվող ամենամեծ բազայից մարտանավերի, անգամ ավիակիրների տեղափոխումը բաց ծով` դրանք ժամում 200 կիլոմետր արագությամբ սլացող երրորդ կարգի փոթորիկից պաշտպանելու համար: Հատկապես խոշոր ռազմանավերը բաց ծովում փոթորկին ավելի հեշտ են դիմանում:

Օդերևութաբանների հավաստմամբ, ՙԱյրինը՚ գալիս է ուղիղ դեպի ռազմածովային ուժերի բազա: Ընդ որում, փոթորկի ուժը գնալով մեծանում է և հնարավոր է, որ ԱՄՆ արևելյան ափեր հասնելիս նրան տրվի չորրորդ կարգ, որը սահմանված է ժամում 178-210 կիլոմետր արագությամբ սլացող փոթորիկների համար: