ԱՆՑԿԱՑՎԵԼ Է ՀԵՏԱԳԱ ԾԱՌԱՅՈՒԹՅԱՆ ՎԱՅՐԵՐԻ ԸՆՏՐՈՒԹՅԱՆ ՎԻՃԱԿԱՀԱՆՈՒԹՅՈՒՆԸ
Հուլիսի 23-ին ՀՀ ՊՆ Վազգեն Սարգսյանի անվան ռազմական համալսարանում անցկացվել է 2018թ. շրջանավարտների հետագա ծառայության վայրերի ընտրության վիճակահանությունը:
Վիճակահանությանը ներկա է եղել ՀՀ պաշտպանության նախարարի տեղակալ Գաբրիել Բալայանը:
Սահմանված կանոնակարգի համաձայն` շրջանավարտները վիճակահանությամբ ընտրել են այն զորամասերը, որտեղ պետք է շարունակեն ծառայել: Ռազմաուսումնական հաստատությունը գերազանցությամբ ավարտած մի շարք շրջանավարտներ հնարավորություն են ստացել հետագա ծառայության վայրերն ընտրելու առանց վիճակահանության: Շրջանավարտներից շատերն էլ որոշում են կայացրել հետագա ծառայությունը շարունակելու մարտական հերթապահություն իրականացնող զորամասերում և, ըստ հաստատված կանոնակարգի, իրենք են ընտրել ծառայության վայրը:
ՀՀ պաշտպանության նախարարի տեղակալը շնորհավորել է շրջանավարտներին ռազմակրթական հաստատությունն ավարտելու կապակցությամբ, ապագա հրամանատարներին մաղթել խաղաղ և անվտանգ ծառայություն։
