ՆԱՍԱ-Ն ՏԻԵԶԵՐԱՆԱՎՈՐԴՆԵՐԻ ՊԱԿԱՍ Է ԶԳՈՒՄ
Ներկայումս ՆԱՍԱ-ն տիեզերանավորդների խիստ պակաս է զգում: Այդ տեսակետն է արտահայտված ԱՄՆ Ազգային հետազոտական խորհրդի (տիեզերքի և գիտության հարցերով կառավարությանը խորհրդատվական ծառայություններ մատուցող պետական կառույց) հանձնաժողովի ներկայացրած զեկույցում:
2000թ. հետո ամերիկյան տիեզերանավորդների թիվը կրճատվել է` 150-ից հասնելով մինչև 61 մարդու: Թեև «Շաթլ» տիեզերանավերի թռիչքային ծրագիրը դադարեցվել է, տիեզերանավորդների նման կրճատումը համարվում է չափազանցված: Անձնակազմի մի քանի անդամների` միաժամանակ վնասվածք ստանալու կամ հիվանդանալու դեպքում պահեստային թռչողները կարող են չբավականացնել:
Հանձնաժողովը եկել է այն եզրակացության, որ անհապաղ պետք է փնտրել նոր մարդկանց` մասնագիտական համապատասխան պատրաստության համար: Միջազգային տիեզերակայանում աշխատելու համար մեկ տիեզերանավորդի պատրաստությունը տևում է առնվազն երկու տարի:
Խորագիր՝ Նորություններ, Ռազմական
