ՆԱՏՕ-Ն ԽՈՍՏՈՎԱՆԵԼ Է. ԻՐԵՆՑ ԶԻՆՎՈՐԸ ՍՊԱՆԵԼ Է BBC-Ի ԼՐԱԳՐՈՂԻ
Աֆղանստանում տեղակայված ՆԱՏՕ-ի զորախմբի հրամանատարությունը խոստովանել է, որ իրենց զինվորը սպանել է BBC ընկերության համար աշխատող տեղացի լրագրողին: Դաշինքի ներկայացուցիչների կարծիքով զինծառայողը սխալմամբ է գնդակահարել լրագրողին` նրան շփոթելով զինյալ գրոհայինի հետ:
25-ամյա Ահմեդ Օմեդ Հպուլվակը սպանվել է 2011թ. հուլիսի 28-ին Ուրուզգան նահանգում: Այդ օրը դաշինքի զինվորների և թալիբների միջև մարտի ընթացքում սպանվել է 21 մարդ: Զինծառայողին թվացել է, թե Հպուլվակը պատրաստվում է գործարկել պայթուցիկ սարք:
Միջադեպի քննության ավարտից հետո դաշինքի զինծառայողի գործողությունները որակվել են որպես օրինաչափ և իրավիճակին համապատասխան:
Խորագիր՝ Նորություններ
