ՌԴ ՌԱԶՄԱԾՈՎԱՅԻՆ ՈՒԺԵՐԸ ՆՈՐ ԲԱՏԻՍԿԱՖ ԵՆ ՍՏԱՑԵԼ
Ռուսաստանի ռազմածովային ուժերը ստացել են մինչև 6000 մետր խորության վրա սուզվելու հնարավորություն ունեցող բնակեցվող ստորջրյա ապարատ:
«Կոնսուլ» բատիսկաֆը փորձարկվել է տարբեր տեղանքներում, այդ թվում Հյուսիսային Ատլանտիկայի ջրերում, ուր ջրանավորդները փորձարկման ծրագիրն իրականացրել են 6270 մետր խորության վրա:
«Կոնսուլ»-ը կարող է կիրառվել ստորջրյա տեխնիկական, վթարային-փրկարարական աշխատանքների, ստորջրյա օբյեկտների վրա ազդանշանային փարոսիկների տեղադրման, տեսանկարահանման, մինչև 200 կգ ծավալով բեռների տեղափոխման համար:
Ապարատի քաշը 25 տոննա է, արագությունը` 3 հանգույց, անձնակազմը 2-3 մարդ է:
Խորագիր՝ Նորություններ, Ռազմական
