ԶՈՐԱՎԱՐԺՈՒԹՅՈՒՆՆԵՐ 5-ՐԴ ԶՈՐԱՄԻԱՎՈՐՈՒՄՈՒՄ

Սույն թվականի նոյեմբերի 14-ից 15-ը 5-րդ զորամիավորման հրամանատար գնդապետ Ա. Փիլոյանի ղեկավարությամբ, ԲԿ և ենթակա զորամասերի  շտաբների հետ անցկացվել են շտաբային զորավարժություններ:

Զորավարժությունների նպատակն էր ստուգել զորամիավորման և ենթակա զորամասերի  պատրաստականության տարբեր աստիճանի բերելու ընթացքը, կատարելագործել զորամասերի, ստորաբաժանումների հրամանատարների ու կառավարման մարմինների գործնական ունակությունները, ուսուցանել և կատարելագործել գործողությունների ընթացքում պաշտոնատար անձանց ֆունկցիոնալ պարտականությունների կատարման կարգը՝ ըստ մարտական հաշվարկների:

Զորամիավորման վարչակազմը և ենթակա զորամասերը գործեցին համաձայն պլանի, որի ընթացքում իրականացվեց տեղաշարժ դեպի նշանակման  շրջաններ:

Զորամիավորման և զորամասերի անձնակազմերը գործեցին ներդաշնակ,  միջոցառումները կազմակերպվեցին և իրականացվեցին ըստ ժամանակացույցերի, հատկապես կարելի է առանձնացնել զորամասերի կազմակերպված տեղաշարժը դեպի նախորոշված շրջաններ:

Զորավարժությունների ընթացքում 5-րդ զորամիավորման վարչակազմը և զորամասերի շտաբները ցուցաբերեցին լավ մասնագիտական պատրաստության աստիճան, մարտական փաստաթղթերի ձևակերպումները իրականացվեցին բավարար մակար¬դակով:

Կատարելով զորավարժությունների արդյունքների նախնական ամփոփում, 5-րդ զորամիավորման հրամանատար, գնդապետ Ա. Փիլոյանը նշեց, որ զորամիավորման վարչակազմի և զորամասերի հրամանատարության գործողությունները գնահատում է «բավարար», առաջադրված խնդիրները լիարժեք իրագործված, իսկ որ ամենակարևորն է՝  պաշտոնատար անձինք ստացան մեծ փորձ՝  գործողությունների պլանավորման և իրականացման ժամանակ: Հրամանատարի կողմից խնդիր դրվեց մանրակրկիտ վերլուծել զորավարժությունների արդյունքները, խրախուսել առավել բարձր արդյունքներ ցուցաբերած զինծառայողներին:

5-ՐԴ ԶՈՐԱՄԻԱՎՈՐՄԱՆ ԹՂԹԱԿՑԱԿԱՆ ԿԵՏ