ՍՈՒՐԲ ՄԿՐՏՈՒԹՅԱՆ ԱՐԱՐՈՂՈՒԹՅՈՒՆ ՆՈՐԱՎԱՆՔՈՒՄ
Սույն թվականի նոյեմբերի 24-ին Նորավանքի վանական համալիրի «Սուրբ Ստեփանոս Նախավկա» եկեղեցում իրականացվել է մկրտության արարողություն, որին մասնակցել են ՀՀ ՊՆ 4-րդ զորամիավորման N զորամասի թվով 26 պայմանագրային զինծառայողներ և կին ծառայողներ: Արարողությունն իրականացվել է ՀՀ ԶՈՒ հոգևոր առաջնորդ Տեր Վրթանես եպիսկոպոս Աբրահամյանի հանդիսապետությամբ, ինչպես նաև Վայոց ձորի թեմի առաջնորդական փոխանորդ Տեր Զարեհ վրդ. Կաբաղյանի, զորամիավորման ավագ գնդերեց Տեր Գալուստ քհն. Սահակյանի և գնդերեցներ Տեր Հովհաննես քհն. Մաթևոսյանի ու Գագիկ սրկ. Հակոբյանի մասնակցությամբ:
Արարողությանը ներկա էին նաև զորամիավորման հրամանատար, գեներալ-մայոր Վալերի Քոչարյանը և հրամանատարի ԲՀԱԳ տեղակալ, գնդապետ Վահրամ Հարությունյանը:
