ԾՆՈՒՆԴԴ ՇՆՈՐՀԱՎՈՐ, ՍՊԱՐԱՊԵ՛Տ

Սպարապետ Վ. Սարգսյանի ծննդյան տարեդարձի առիթով 5-րդ զորամիավորման N զորամասում անցկացվեցին միջոցառումներ: Հանդիսավոր միտինգի ժամանակ զորամասի հրամանատարի ԲՀԱ գծով տեղակալ, փոխգնդապետ Ս.Նազարեթյանը նշեց. «Վ. Սարգսյանն այն ռազմական-քաղաքական ու հասարակական գործիչն է, որին կհիշեն և՛ սերնդակիցները, և՛ հետագա սերունդները: Կհիշեն որպես անձնազոհ ու անձնվեր ընկերոջ ու հրամանատարի, իր ապրած կյանքով իսկական լեգենդի: Նա միշտ ոգեշնչելու ու դաստիարակելու է սերունդներին՝ տանելով նրանց դեպի նոր հաղթանակներ: Նա իր կյանքն անմնացորդ նվիրեց հայրենիքը հզոր ու ծաղկուն, զարգացած ու բարեկեցիկ դարձնելու գաղափարի իրականացմանը: Նա միշտ մեզ հետ է և մեր կողքին»:

Հանդիսավոր միտինգից հետո կազմակերպվեց այցելություն  Սպարապետի տուն-թանգարան: Զորամասի ակումբում անցկացվեց տոնական միջոցառում՝ հանրաճանաչ երգիչ-երգչուհիների կատարումներով:

Սպարապետի ծննդյան օրվա առիթով, տոնական միջոցա­ռումներին մասնակցելու նպատակով, զորամաս էին այցելել նաև հանրակրթական ուսումնական հաստատությունների սաները:

5-ՐԴ  ԶՈՐԱՄԻԱՎՈՐՄԱՆ  ԹՂԹԱԿՑԱԿԱՆ  ԿԵՏ