Հայ զինվոր

ԱՐԴՅՈՒՆՔՆԵՐԻ ԱՄՓՈՓՈՒՄ

Ընթացիկ ամսում տեղի ունեցած շտաբային մարզումների, օպերատիվ դաշտային ելքերի, ինչպես նաև համաբանակային մրցույթների արդյունքներն ամփոփելու նպատակով, ապրիլի 20-ին 3֊րդ զորամիավորման շտաբում անցկացվել է խորհրդակցություն: Զորամիավորման հրամանատարությունը գոհունակություն է հայտնել ֆիզպատրաստության և սպորտի պետ, փոխգնդապետ Է.Մելիքբեկյանին՝ զորամիավորման հավաքական թիմերի մասնակցությունը համաբանակային մրցույթին բարձր մակարդակով կազմակերպելու և մրցանակային 1-ին ու 2-րդ տեղեր զբաղեցնելու համար: Խորհրդակցության ավարտին համաբանակային մրցույթներում, զորավարժություններում և մարզումներում բարձր արդյունքներով աչքի ընկած զինծառայողներին պաշտպանության նախարարի և զորամիավորման հրամանատարի հրամանով հանդիսավորապես պարգևներ են հանձնվել: