ԶՈՐԱՄԻԱՎՈՐՄԱՆ ԿԱՊԻ ՍՏՈՐԱԲԱԺԱՆՈՒՄՆԵՐԻ ՀԵՏ ԱՆՑԿԱՑՎՈՒՄ ԵՆ ՈՒՍՈՒՄՆԱԿԱՆ ՎԱՐԺԱՆՔՆԵՐ
Դաշտային պայմաններում անձնակազմի վարժվածության մակարդակը և առաջադրվող մարտական խնդիրների ճիշտ ու հստակ կատարման արդյունավետությունը բարձրացնելու նպատակով մայիսի 29-ից հունիսի 2-ը 5-րդ զորամիավորման կապի ստորաբաժանումների հետ անցկացվում են ուսումնական վարժանքներ` դաշտային ելքով:
Անձնակազմը ցերեկային ու գիշերային պայմաններում, համաձայն սահմանված ժամկետների, ծավալում է կապի հանգույցներ, կապ հաստատում վերադաս և ենթակա շտաբերի հետ:
Դաշտային վարժանքները նպաստում են անձնակազմի մասնագիտական գիտելիքների ամրապնդմանը, հաստիքային տեխնիկայի շահագործման ու սպասարկման ունակությունների կատարելագործմանը:
