F-35B ԿՈՐԾԱՆԻՉԸ ԱՌԱՋԻՆ ՎԱՅՐԷՋՔՆ Է ԿԱՏԱՐԵԼ ՌԱԶՄԱՆԱՎԻ ՎՐԱ
Ամերիկյան հեռանկարային F-35 Ligtning II կործանիչի կարճեցված վերթիռով և ուղղահայաց վայրեջքով տարբերակը` F-35B, առաջին անգամ վայրէջք է կատարել ռազմանավի տախտակամածի վրա:
Ինքնաթիռը վայրէջք է կատարել «Ուոսպ» ունիվերսալ դեսանտային նավի վրա` ազդարարելով կործանիչի ծովային փորձարկումների սկիզբը:
Այս փորձարկումների հաջող ընթացքից է կախված F-35B մոդիֆիկացիայի հետագա ճակատագիրը: 2010թ. նախագծի համար սահմանվել է 2 տարի ժամանակով փորձաշրջան առկա թերությունները վերացնելու և մշակումը ավարտին հասցնելու համար:
Նախապես հայտարարվել է, որ F-35B-ն պատրաստ կլինի 2018թ.: ԱՄՆ ծովային հետևակի կորպուսը այսպիսի 340 կործանիչ գնելու ցանկություն է հայտնել:
