ՀՀ ԶՈՒ ՊԱՏՎԻՐԱԿՈՒԹՅՈՒՆԸ ՌԴ-ՈՒՄ ՄԱՍՆԱԿՑԵԼ Է ԵՐԿԱԹՈՒՂԱՅԻՆ ԶՈՐՔԵՐԻ ՀԱՏՈՒԿ ԶՈՐԱՎԱՐԺՈՒԹՅԱՆԸ
ՀՀ ԶՈՒ պատվիրակությունը ռազմական հաղորդակցությունների բաժնի պետ, գնդապետ Արթուր Չատյանի գլխավորությամբ օգոստոսի 27-ից 31-ը Ռուսաստանի Դաշնության Մոսկվա և Սիզրան քաղաքներում մասնակցել է Կենտրոնական շրջանի նյութատեխնիկական ապահովման ուժերի հետ անցկացված երկաթուղային զորքերի հատուկ զորավարժությանը։
Այցի շրջանակներում ՀՀ ԶՈՒ պատվիրակությունը հանդիպել է ՌԴ երկաթուղային զորքերի գլխավոր վարչության պետ, գեներալ-լեյտենանտ Օլեգ Կոսենկովի հետ, քննարկել Հայաստանի Հանրապետության և Ռուսաստանի Դաշնության պաշտպանության նախարարությունների միջև ռազմական հաղորդակցության ոլորտում համագործակցության հեռանկարները:
