ԲԱԼԹՅԱՆ ՊԱՇՏՊԱՆԱԿԱՆ ՔՈԼԵՋԻ ԴԵԿԱՆՆ ԱՅՑԵԼԵԼ Է ՌԱԶՄԱԿԱՆ ՀԱՄԱԼՍԱՐԱՆ
ՀՀ ՊՆ ռազմաուսումնական հաստատությունների հետ համագործակցության ընդլայնման հնարավորությունները քննարկելու նպատակով հոկտեմբերի 14-ին ՀՀ ՊՆ Վ.Սարգսյանի անվան ռազմական համալսարան է այցելել Բալթյան պաշտպանական քոլեջի դեկան, պահեստազորի գնդապետ, պրոֆեսոր Զդիսլավ Սլիվան:
Ռազմական համալսարանի ղեկավարությունը հյուրին է ներկայացրել հաստատության պատմությունը, կառուցվածքն ու ուսումնական ծրագրերը: Պրոֆեսոր Զդիսլավ Սլիվան իր հերթին ներկայացրել է Բալթյան պաշտպանական քոլեջի կառուցվածքը, ուսումնական գործընթացը և իրականացվող կրթական ծրագրերը:
Քննարկվել են ուսումնական գործընթացի կատարելագործման համատեղ հնարավորությունները, հատկապես՝ ռազմական համալսարանում հեռավար ուսուցման կազմակերպման հարցում:
Զդիսլավ Սլիվան շրջել է ռազմական համալսարանի տարածքում, ծանոթացել կրթական հնարավորություններին և շենքային պայմաններին, զրուցել հրամանատարաշտաբային ֆակուլտետի ունկնդիրների հետ:
